ليه المدير مرتبه أكبر من مرتبك؟

مع إنك بتشتغل أكتر منه! ?

صح، زي ما بتقول كده، عشان هو مدير!

بس في سبب تاني أقوى من ده، وهو إن مديرك قرر يبقى مدير!

أو إنه ببساطة قرر يبقى غني.

أوضحلك أكتر

مراحل حياتك المالية بتمر بـ 3 طرق:

1- مرحلة الأمان:

ودي إنت بتشتغل فيها موظف عادي جدًا، بتاخد مرتب كل أخر شهر يا دوب على قد احتياجاتك.

2- مرحلة الاستقلال:

 بتشتغل برضو موظف بس مُرتبك بيزيد فيها، وبيغطي متطلباتك.

3- الحرية المالية:

ودي قربية من اللي فيها مديرك، وتخص أكتر صاحب الشركة اللي إنت فيها، اللي هو بيبقى قاعد في البيت وكل شهر بتجيله فلوس. عارفه؟

لو وصلت للمرحلة دي مصدر دخلك هيغطي احتياجاتك، ومتطلباتك، وكمان الكماليات والرفاهيات اللي بتروّق بها على نفسك.

وعشان توصل لمرحلة الحرية المالية من المهم إنك تاخد 7 قرارات في حياتك وتنفذهم.

 وده بالظبط اللي قال لنا عليه الكاتب "توني روبنز" في كتابه Money master the game  أو المال (اتقن اللعبة) وهما:

1- خُد القرار بإنك لازم ييقى معاك فلوس كتير، وتبقى مستثمر مش مستهلك.

2- قرر تدخل جوا لعبة الاستثمار عشان تعرف الناس اللي هتتعامل معاها، نقاط الضعف والقوة عندك وعندهم، تعرف مين بالتعامل معاه هتوصل للثراء ومين هتفضل في مكانك!

3- حدد ثمن أحلامك! مش ثمنها بالفلوس بس لأ، ثمنها معنويًا، وبدنيًا عليك.

4- راجع نفسك؛ افتكر بتخلص فلوسك على إيه؟

الاكل! طيب ما تفكر كده تقلل أكل برا وشوف هتوفر كمان ممكن تستثمر بهم؟ كتير صح. طب كفاية أكل برا بقى.

5- العب بالفلوس لعب؛ كفاية بقى تحويش يالا حط فلوسك في حاجة ترجعلك فلوسك دي مرة ونص، اشتري شقة وبيعها بعد فترة، حط فلوسك في مشروعك مضمون مكسبه زي المنتجات اللي الناس مش بتستغنى عنها، هتكسب منها.

6- العب بالفلوس كإنك مليونير؛ هنا لازم تعرف هما بيفكروا ازاي.. فممكن أقولك إنهم بيفكروا ازاي ما يخسروش؟

بيفكروا في المخاطرة VS المكسب، بيفرضوا توقعات سلبية وإيجابية وبيحطوا لكل واحد فيهم رد فعل، وطول الوقت بيتعلموا مهارات جديدة وبيقرأوا أكثر.

7- استمتع بقى

الحياة مش كلها شغل بس، إنت جمعت فلوس وبقيت حر مالك أهو يالا اتفسح بقى، سافر، شوف ثقافات جديدة، اتعلم حاجة جديدة برا، خد وقتك في  الاستمتاع زي ما خدت وقتك في الاستثمار.

في ملحوظة مهمة:

قبل ما تقرر تتحرر ماديًا، لازم تتحرر نفسيًا بإنك تبعد عن معظم مصادر الإحباط والكسل عشان تقدر تبدأ وتاخد القرار، واللي هو بيعتبر أول وأهم خطوة.

بس كده، يالا طبّق اللي قريته، ومبروك عليك طريق الثراء.

لو عندك أي طرق تانية متجربة في الوصول للحرية المالية ياريت تشاركنا بها في كومنت، ومتنساش تتابعنا على #كتاب_في_دقيقتين عشان تتعلم وتقرأ كل أسبوع كتاب جديد. ??

#WORK_BRAND