إزاي تسوق لمنتجك بأقل تكلفة؟

من أشهر مقولات كريس جيلبو "لا تحتقر البدايات الصغيرة، ولا تقلل من شأن إنجازاتك، بل تذكرها واستخدمها كمصدر إلهام، واذهب إلى الشيء القادم عندما كنت مُغامرًا خارج منطقة راحتك، أينما كانت نقطة البداية، فقد تكون صفقة كبيرة."

شغفك ممكن يبقى هو البداية الصغيرة التي توصل منها لصفقة حياتك، وممكن شغلك الحالي، فرصة إنت مش واخدوبالك منها، أو مبلغ صغير معاك تعمل به أكبر مشروعك الخاص،  طرق التسويق والنجاح في المشاريع الصغيرة سهلة جدًا محتاجة بس شويه تركيز وذكاء في تقديم منتجك للعملاء، واحنا النهارده هنعرفك ازاي تحقق نجاحك من خلال مناقشة ٣ نقط بتدور عليهم فكرة كتاب شركة ناشئة ب ١٠٠ دولار لكريس جيلو المؤلف والمدون ورجل الأعمال الأمريكي وصاحب كتاب “فن التمرد على حياتك” الأكثر مبيعًا في العالم.

 كتاب شركة ناشئة ب ١٠٠ دولار بيناقش فكرة عمل مشروع خاص وتسويقه بأبسط الطرق وأقل رأس مال.

١- ثورة المشروعات الصغيرة.

٢-مكونات أي مشروع تجاري.

٣- أفضل تسويق بأقل تكلفة.

١- فرصة عمل مشروع صغير في بيتك أصبحت سهلة جدًا، إنت ممكن تصنع حاجة معينة إنت شاطر فيها  وتبدأ تبيعها، ولو ست بيت سهل إنها تعمل أكل بيتي وتبتدأ تعرضه على الموظفات وعلى جيرانها، لو حد عنده موهبة معينة يقدر يوظفها في حاجة تفيد المجتمع ويكون محتاجها فعلا، عشان يقدر يبعها. بالإضافة إن طرق عرض منتجك أو خدمتك بقى سهل جدًا عن طريق وسائل التواصل الاجتماعي زي صفحة الفيسبوك الخاصة بك. ودي كانت أول نقطة في الكتاب، المشاريع الصغيرة سهل إنك تقدر تلمس نجاحها بسرعة لو عملتها بطريقة صح.

٢- كل حاجة ليها مكونات عشان تبدأ وتكمل صح، وقبل ما تبدأ مشروعك لازم تبقى عارف كويس تبدأ بإيه وتهتم به ازاي، والجزء ده ناقشناه قبل كده بطريقة سهلة جدًا وممتعة. ادخل هنا ضروري عشان تعرف:

https://www.facebook.com/workbrandeg/photos/a.894308100754747/1190519561133598/?type=3

٣- وهنا  نبقى وصلنا لأخر وأهم نقطة بيتكلم عنها الكتاب وهي أفضل تسويق بأقل تكلفة، عندك طريقتين ممكن تعملها من غير فلوس وتوصل لأكبر عدد من العملاء، ولكن بياخدوا وقت عشان توصلهم:

1- The word of mouth:

وهي إن الناس تتكلم عنك وترشحك لصحابهم نتيجة لتجربتهم ليك من غير ما إنت تدفع فلوس تسويق، ودي بتعتمد على حاجتين( تعاملك بالطريقة المفضلة للزباين، جودة منتجك). دي أفضل طريقة للنجاح ولكنها بتاخد وقت ومجهود منك في فن التعامل مع الزبائن.

2- Content marketing:

اكتب عن منتجك وفوايده، واذكر المشاكل اللي هيحلها، وشجع الناس تشتريه. وساعدهم على قد ما تقدر.

ركز على الجانب العاطفي اللي هيعود على الناس لما تشتري منتجك، حبب الناس في المنتج من غير ما تضحك عليهم. وخليك فاكر إن الناس بتشتري بمشاعرها، طول ما هي بتحبك هتفضل تشتري منك.

الكتاب فيه نقط وقصص مهمة جدًا هتشجعك لفتح مشروعك الخاص وترك وظيفتك، في كل مرة هناخد قصة نحكيها ونقولك نصايح مهمة جدًا في البيزنس.