عميل واحد = 250 عميل

نقطة مهمة جدًا ناقشها "جو جيرارد" في أخر فصل في كتابه  How to sell anything to anyone وهي إزاي تتعامل مع الزبون بتاعك؟

 أولا: هو رفض تمامًا إطلاق كلمة زبون على العملاء، وقال:" كلمة زبون هي تحقير من شأن العميل، فهو ليس بزبون بل هو أهم شخص على الكرة الأرضية."

وكان لما بيتعامل مع العملاء بتوعه أيًا كان جنسهم، كان بيتخيل إن الكرة الأرضية مفيهاش أي حد غير العميل، وإن هو الشخص الوحيد القادر يعيشه فترة كبيرة من حياته سعيد، عشان كده كان بيصمم يديله كل اللي يستحقه من وقت وتقدير واهتمام كبير.

في نهاية الكتاب بيشرحلنا جيرارد القاعدة اللي استخدمها في مجال البيع، واللي كانت السر وراء نجاحه، وهي قاعدة 250..

في يوم كان رايح عزا فوجد إن فيه 250 كرسي، فسأل الراجل اشمعنا حطيت 250 كرسي؟

فقاله: أنا شوفت عدد المدعوين لقيتهم كده، وفي مرة ثانية كان رايح فرح، ولما عد عدد الكؤس الموجودة كانت بردو 250، ولما سأل المسؤل عن الفرح قاله نفس الكلام، فاكتشف جيرارد إن كل شخص موجود في حياته 250 شخص تاني معاه في حزنه أو فرحه.

ومن هنا اكتشف قاعدة 250 اللي ملخصها:

"إنت لما تبيع منتج مثالي ومكتمل المواصفات ومُرضي للعميل بنسبة 85% تأكد إنك كسبت 250 عميل غيره."

وهنا بيثبت لنا أهمية الـ word of mouth في البيع، لإن ببساطة عميلك مش بيشتري لوحده، هو بيشتري ومعاه قرايبه وصحابه ، فلو معاملتك ليه كويسة، ومنتجك مثالي ويقضي احتياجه والغرض منه، فتأكد إن عميلك هيقول لباقي الناس اللي يعرفهم عليه، عشان يشتروا هما كمان.

يبقى دايمًا اهتم بزبونك

لأ ثواني.. اسمه عميل

اهتم بعميلك.. عميلك أولًا.

ده كان جزء بسيط من كتاب How to sell anything to anyone

تابعنا عشان نكمل معاك باقي الكتاب ?

#كتاب_في_دقيقتين

#WORK_BRAND

#Power_of_success ?