تعرف إن  Adidas و Puma كانوا في البداية شركة واحدة؟

= بجد إزاي ده؟?

- اقولك يا سيدي، سنة 1924 بدأ الأخوين داسلر وهما Adolf & Rudolf  بتصنيع الأحذية في غرفة الغسيل بتاعتهم، وبعد شوية انجازات عملوها في تصنيع الأحذية حصل بعض المشاكل بينهم زي اي مشاكل بتحصل بين الـ partners  انفصلوا وبدأ كل واحد يعمل شغله لوحده سنة 1947.

بدأ Adolf  بصناعة الأحذية، اللي أصبحت حاليًا الماركة العالمية Adidas، وعمل أخوه ماركة تانية وسماها Puma.

محدش ينكر إن الماركتين مشهورين جدًا، وخصوصًا في مجال الأحذية الرياضية، ولكن Adidas هي الأشهر على الإطلاق والأكثر مبيعًا، الماركة العالمية المكتسحة السوق بالكامل، وده راجع لعنصر وحيد أساسي وهو عنصر التسويق!

في سنة 2015 فريق تسويق شركة Adidas صرف حوالي 139 مليون يورو على الأبحاث التسويقية بس، وده لإنهم مُدركين كويس أهمية البحث التسويقي، وإن كل ما وصلت لأحدث وأفضل طرق التسويق هتوصل لأسرع طرق البيع والتميز.

بالإضافة كمان إن فريق التسويق كان مهتم جدًا بالتريندات واستغلالها في البيع، زي مثلًا تريند إنقاذ المحيطات من مخلفات البلاستيك، فقام بتصنيع أول حذاء رياضي مصنوع بالكامل من البلاستيك المُعاد تصنيعه المستخرج من المحيطات، فالناس كلها اتفاجئت بالموضوع وقررت تجربه!

كمان Adidas  دايمًا بتهتم بالنجوم المشهورين في كل فترة وبتستعين بهم في إعلاناتها عن الأحذية الجديدة زي David Beckham و Kanye West، بتتشابه معاها ماركة Puma  في نفس الاستعانة بالمشاهير وخصوصًا الرياضين وتموليها لكتير من الأندية المختلفة، ومحدش ينكر إن Puma  ليها وجود في السوق وإنها توجهت في فترة لرعاية الإناث؛ منهم لاعبة الجولف الامريكية Erica Blasberg، ولاعبة الجولف السويدية Anna Nordqvist والامريكية Lexi Thompson.

وعشان Adidas  أكيد مش هتفوت طريقة تسويق مهمة زي دي، وضعت تحت رعايتها لاعبة التنس الامريكية Natalie Gulbis، ولاعبة التنس الدينماركية Wozniacki Caroline والفاتنة Ana Ivanovic.

وبالطبع Adidas كانت الأكثر شهرة وصول للجمهور؛ نتيجة لوجودها الدائم ومعرفتها للسر!

شركة Adidas زي أي مشروع  في البداية مرّت بمراحل فشل، ولكنها وصلت لإدراك عنصر التميز؛ وهو التسويق والأبحاث التسويقية، فمسكت فيه وصرفت عليه عشان تلاقي، وبالفعل حصل.

دلوقتي بقى قولي:

  إنت كصاحب بيزنس هل بتفكر دايمًا في الأبحاث التسويقية والصرف عليها وإيجاد طريق جديدة للتسويق، ولا بتصرف فلوسك على تطوير شكل المنتج أو الخدمة اللي بتقدمها بس!

#Work_Brand

#Power_of_success